Vinnustöðvun leiðbeinenda í Vinnuskóla Reykjavíkur gjörsamlega lamaði þjóðfélagið í dag, og það á mánudegi.

Hvað á þetta eiginlega að þýða ?

Hljómsveitin Bermúda mun falla til jarðar og brenna upp í gufuhvolfinu. Ástæðan er eingöngu sú að ný hljómsveit er komin sem tryllir pöpulinn og er fullbókuð allar helgar út árið.

Hljómsveitin Broddar frá Reykjavík segir hæ !

Þetta er með því skemmtilegra sem ég hef séð lengi.

Dr. Horrible eru net-þættir eftir Josh Whedon, þann sama og gerði Firefly og Serenity.

Krepputal hvað ? Ég tók ekki þátt í neinu góðæri og ég ætla ekki að taka þátt í neinni kreppu.

Því ættu allir færir menn og konur að skella sér á hinn frábæra og fróma vef sem hér verður tengill á og eyða nokkrum krónum.

Þær fara ekki í neina vona menn með bumbur sem reykja vindla og hlæja að almúganum heldur í alvöru menn sem láta sig rétt mál skipta og eru vinir vina sinna.

Einn, tveir og kaupa, kaupa, kaupa.

Þetta er mesta afrek íþróttasögunnar sagði viðmælandi fréttastofu um svipað leiti og hann gekk til náða í hjólhýsinu sínu við Laugarvatn.

Hekla Dís, guðdóttir mín er 5 ára í dag. Af því tilefni er blásið til veislu enda tilefnið klárlega fyrir hendi.

Ég lít á það sem þroskamerki að mér sé boðið í fjölskylduboð fyrir eldra fólk en ekki í barnaafmælið sem er líka haldið, fyrir það sýnda traust er ég þakklátur.

Gummi,Hekla og Vaka.

Hlyni átti afmæli í gær. (Og þá Björk líka þar sem hann er tvíburi)

Afmælisbarnið reyndar svaf næstum af sér afmælið en það reddaðist þar sem hann skröltaðist á fætur þegar það fór að rökkva. Það er einkennilega tilfinning að vita að drengurinn okkar Jóa er orðin að manni. Hlyni minn er bara orðin stór og farin að spá í stelpum og hvernig heimurinn virkar.

Afmælisbarnið fékk í afmæligjöf forláta bindi og matreiðslubókina Eldaðu maður! sem kennir undirstöðuatriði eldamennsku og hvernig skal bera sig með svuntu. Gott fyrir mann sem haldin er fóbíu þegar kemur að eldhúsinu en kann þó að elda einn rosalega góðann rétt.

Það verður gaman að fá flunkunýja rétti úr smiðju Hlyni.

Læt fylgja mynd af afmælisbarninu með uppalendum sínum.

Á föstudögum er morgunkaffi á fimmtu hæðinni hér í vinnunni. Samkeppnin um besta kaffið verður alltaf harðari og harðari, menn eru að slá um sig með því að skella í Vilko og koma með vöfflujárn og ég veit ekki hvað og hvað. Með góðu kaffi má vinna af sér bjórskuld þannig að það getur því verið til mikils að vinna.

Það hafði engin trú á að yngsti starfsmaður hæðarinnar myndi gera eitthvað gott, í mesta lagi kaupa snúða sem sætabrauð og skera í bita handa fólkinu.

Ef þau bara vissu að íbúar L82 kalla ekki allt ömmu sína þegar kemur að eldhúsverkum. Við erum að reka heimili og kunnum því til verka.

Því var skellt í form og það frá grunni, ekkert Vilko eða Betty Crocker dót. Það var stífþeytt, brætt og brasað þangað til að niðurstaðan var ásættanleg.

Bláberjamúffur eru af hinu góða, og já Guffi. Ég er frábær.

Ég legg til að engu vatni verði hleypt á nýju vatnslögnina til Eyja fyrr en að Eyjamenn taki ábyrgð á sínu fólki og læsi Árna Johnsen inni í bjálkahúsinu sínu.

Svo hef ég aldrei skilið afhverju Eyjamenn eru svona montnir og grobbnir, þeir eru eins og kettir. Horfa á aðra sem ekki eru frá Eyjum og hafa ekki asnaleg gælunöfn eins og Árni Biddu og Gunni Límskúffa með einhverjum vanþóknunarsvip.

Hættum að dæla rafmagni og vatni í þetta fólk, það verður að koma uppá meginlandið til að fá að vera með í lífsgæðakapphlaupinu.

Þetta er ógeðslega fyndið. Næstum jafn fyndið og „Hvað á þetta eiginlega að þýða”-konan.

[youtube -snDHxxuGSs]

Þessi ungi maður gengur óhræddur út í lífið. Hann er í reyklausa liðinu.

Þetta kallast menning, hámenning.

Við búum í fjölmenningarsamfélagi. Myndin er stækkanleg með einum smelli.

Ein af plötum ársins er komin út, svo einfalt er það.

Fleet Foxes, fimm manna sveit frá Seattle hafa hér smíðað plötu sem byggir á gömlum gildum sem hitta beint í mark og það þeirra fyrsta plata. Raddanir ala Beach Boys og Crosby, Stills og Nash ásamt fleiri áhrifum eru hér svo skemmtilega augljós án þess að nokkurn tímann sé hægt að segja að þeir séu að taka beint frá sínum áhrifavöldum. Fleet Foxes hafa farið sína leið.

Tóndæmi dagsins er það lag af plötunni sem greip mig fyrst, lagið byrjar í rólegheitunum en vaknar svo til lífsins með stæl. Þetta lag eitt og sér ætti að duga til að leyfa fólki að heyra hverskyns plata er hér á ferð.

Ég ætla að leyfa laginu að njóta sín og babbla sem minnst um þá.

Fleet Foxes – Your Protector

Um daginn þurfti ég að fara inní herbergið hans Hlyni. Fataskápurinn var opinn og ég starði inn í hann og klóraði mér í  hausnum um hvað drengurinn er að skipuleggja inni í skápnum. Ég nota minn skáp til að geyma föt, það gerir Hlyni sko ekki.

Mér væri talsvert létt ef þetta væri bara heimabrugg inni í skápnum eða fikt við sígarettur en þetta lítur frekar út eins og drengurinn sé að skipuleggja heimsyfirráð.

Þegar þetta eina símtal kemur á nokkra mánuða fresti hverfa einhvern veginn öll vandamál heimsins á einu bretti og aðeins eitt kemur í huga manns, að ná í góssið.

Amma Dúna var að baka kleinur og tilkynningin um að ég mætti koma að sækja nokkra poka handa L82 var fljótt afgreidd.

Það er ekki til neitt betra en nýbökuð kleina og glas með mjólk. Sérstaklega ef hún er snædd í Rauðagerðinu hjá mínu fólki.

L82 fengu þrjá poka, með fimmtán kleinum hvor. Það er talið ofan í hvern poka svo að allir fái jafnt. Pokarnir eru búnir því að Kata hans Jóa hreinlega missti sig í kleinusmakki.

Ég fékk eina kleinu.