Ekki oft sem að maður hefur skrifað um Arsenal á þessari leiktíð hér inn enda ekki oft verið tilefni til. En ég er hás og einstaklega glaður eftir öll fagnaðarópin í kvöld. Arsenal spilaði frábærlega vel og bæði mörkin voru frábær.

Svo fyrst að ég er að skrifa hingað inn að þá óska ég Einari Hólmgeirs vini mínum til hamingju með ellefu mörkin sín með Grosswallstadt. Í Breiðholti læra menn að henda tuðrunni í markið, það er skylda.

Og bara af því að tjáningar og ritfrelsið er svo sterkt að þá býð ég uppá David Hasselhoff.

Gullverðlaunahafinni

Silfurverðlaunahafinn

Bronsverðlaunahafinn

4.sæti

5.sæti

Ég þakka Grikkjum fyrir fína Ólympíuleika.

Þórey Edda klúðrar þessu eflaust í dag og tekur 10 sætið eða eitthvað álíka. Jón Arnar er búin að klúðra þessu sömuleiðis og helvítis „strákarnir okkar” eru enn einu sinni búnir að sýna það að landslið á ekki að vera byggt á 7 leikmönnum heldur á að nýta breiddina sem er næg en þessi blessaði landsliðsþjálfari er einfaldlega óhæfur því að hann velur durta.

Ingimundur er maður sem á að spila vörn, Hólmgeirsson er framtíðarskytta sem fær aldrei séns og Atlason á að vera í liðinu pronto. Síðan hvenær er svo eðlilegt að leikstjórnandi liðsins sé spilandi þjálfari í hinni frábæru Austurrísku deild? Ragnar Óskarsson svo skilinn eftir heima? Strákur sem að getur með hraða sínum farið fram hjá tveimur Kóreubúum, snúið þá niður og skotið sláinn inn, og það með einni hendi.

Ég heimta tafarlausrar afsagnar landsliðsþjálfarans í handbolta.

Hvað ætli fjarstýringar geti dottið oft í gólfið áður en þær bili? Það er eitthvað sem stendur ekki í leiðbeiningunum.

fan fan fan of the autobahn.

Svo einfalt er það nú.

Angels & Demons er komin í hús. Það verða andvökunætur framundan með bókina í einni og Robert Langdon í hinni. Þessi bók er einmitt eftir Dan Brown sem skrifaði The Da Vinci Code.

Augað:

City of God er ein besta mynd sem ég hef séð í ansi langan tíma. Ofbeldið er kannski oft einum of en því miður er raunveruleikinn þarna svona. Merkilegt að sjá ofbeldið taka öll völd þegar fólki er hætt að vera sama.

Eyrun:

Heroes to Zeros, nýjasta plata Beta Band er svo að gera sig í mínum eyrum að það mætti halda að Belle & Sebastian hafi verið að gefa út eitthvað nýtt. Ekkert annað hefur komist að í spilaranum, hvorki þegar ég er heima eða á ferðinni með Ipodinn. Þessi diskur er alveg málið. Beta Band ættu fólk að þekkja úr High Fidelity en þar fá þeir góða umfjöllun.

Andinn:

Kláraði The Da Vinci Code eftir Dan Brown um daginn. Bókin er ekkert smá góð, full af skemmtilegum gátum og var ég liggjandi undir sæng í fósturstellingunni, emjandi um af spennu. Merkilegt að fara í háttinn og byrja að lesa og fatta svo að maður gæti allt eins sleppt því að sofna þar sem vekjarinn myndi hvort eð er hringja eftir tvo tíma. Bókin nær því alltaf að halda manni í spennu og látum. Fannst lokahrinan þó full snubbótt en kannski ekki hægt að ætlast til þess að allt sé fullkomið. Veit bara ekki hvað bók ég eigi að lesa næst. Spurning um að tékka á Angels & Demons eða Deception Poing sem eru aðrar bækur eftir Dan Brown.

Eins og Matti Örviti hef ég verið að lesa Reefer Madness eftir Eric Schlosser. Keypti hana á Kastrup til að hafa eitthvað að lesa í flugvélinni á leið heim.

Las meira en helming á leið heim enda mjög áhugaverð bók. Bókin skiptist í þrjá hluta, einskonar þrjár litlar ritgerðir sem fjalla um misskemmtileg efni en öll áhugaverð þó. Fyrsti kaflinn fjallar um maríúana framleiðslu í Bandaríkjunum og er saga maríúana í dómskerfi Bandaríkjanna rædd ásamt mismundani refsingum í í fylkjum og ríkjum Bandaríkjanna.

Kafli tvö fjallar svo um ólöglega innflytjendur sem vinna við að týna jarðarber í Kaliforníu við virkilega lélegar aðstæður. Merkilegt að sjá hvernig stórfyrirtækin styðja þetta og búa svo þannig um hnútana að þau eru ekki ábyrg fyrir neinu á endanum, nema jú að hirða peninginn. Þessi bransi bara myndi ekki virka nema að ólöglegir innflytjendur væru notaðir til starfans og öllum finnst það sjálfsagt.

Kafli þrjú fjallar svo um klámiðnaðinn og þá sérstaklega Reuben Sturmann sem var helsti klámkóngur Bandaríkjanna á sínum tíma og teygði anga sína til Evrópu og víðar. Virkilega áhugavert að lesa þetta því Sturmann þessi ákvað frá fyrsta degi að berjast fyrir réttinum að fólk gæti skoðað klám heima hjá sér án þess að ríkið gæti bannað þeim það og fór með öll mál alla leið í dómskerfinu og notaði allar krókaleiðir og holur sem hann fann lagalegs eðlis og gerðist meira að segja svo kræfur að kæra sjálfan J. Edgar Hoover.

Kaflinn um maríunaræktunina og þær furðulegu leiðir sem að Bandaríska stjórnin notar gegn þeim sem tengjast maríunana er áhugverðasti kaflinn að mínu mati en titill bókarinnar lýsir í raun bara þessum eina kafla, bókin hefði mátt heita eitthvað annað. Næst á dagskrá er svo að redda sér Fast Food Nation eftir sama höfund.

Nýr Larry leikur að koma.

Hugsa að þeir klikki á þessu. Miðað við skjáskotin úr leiknum að þá minnir Larry á Jimmy Neutron frekar en eitthvað annað.

HAHAHAHAhA.

Myndi maður ekki verða nett pirraður á svona gaurum. Þetta er snilld.

Nú verða öll trikkin úr bókinni brúkuð til að losna við kvefið. Þamba lýsi, tek sólhatt, er með trefil innandyra og er duglegur að nota Nezeril, Otrivin og allt þetta.

Þessi flensa skal mössuð og ég skal verða eiturhress og kátur ungur drengur. Núna er ég uppvakningur.

Virkilega gaman að sjá Bjarna Fritzson í landsliðshópnum. Hann var óneitanlega besti maður Ír í úrslitarimmunum við Hauka. Svo er auðvitað Einar Hólmgeirsson í hópnum enda sleggja af Guðs náð.

HAHAHAHA!!! Herbergisfélagi dauðans… ég bíð eftir mynd um þetta.

HBO presents The Roomate from hell starring Toby Macguire.

Heilsíða í Mogganum í dag sýnir mynd af konu sem má heyra í hér. Svo stendur líka hjá myndinni voða flott orðaðir hlutir en það sem sker sig úr er eftirfarandi klausa.

…og undir forystu Ingibjargar Sólrúnar Gísladóttur hefur höfuðborgin lifað glæsilegt framfaraskeið

Ef þetta er ekki ein mesta þvæla sem ég hef heyrt. Borgin skuldar og skuldar á meðan ríkið borgar niður sínar skuldir.

Hef verið að bíða með að skrifa um leikinn í gær þar sem strákarnir mínir voru bara alls ekki að spila sinn leik. Þarf ekkert að fara neitt ofan í saumana á þessum leik, þeir vita best sjálfir hvað gerðist og hvernig á að laga þetta og ég hef fulla trú á þeim að taka Haukana svo í Austurberginu annað kvöld þar sem menn munu öskra úr sér raddböndin.

Áfram ÍR.

Maðurinn lengst til vinstri á þessari mynd er held ég sá sami og á þessari hér.

Finnst soldið hart af honum Lubba að vera svona hress í afmælinu en heilsa manni svo ekki á Spáni síðasta sumar á Burger King.

En þetta er sami maðurinn því mullettið er það sama.

Hef verið að horfa aðeins á nýju Ali G þættina sem hann gerir fyrir bandaríkjamarkað. Snilldarefni hér á ferð en ég átti einhvern veginn von á því að þetta væri staðnað og að hann væri að stappa í sama farinu eins og í gömlu þáttunum en hann er ekker að því heldur er að gera gott grín að öllu saman.

Bandaríkjamenn eru víst lítið að fíla þetta og hóta málsóknum en mér þykir þetta snilld. Borat fær stóran sess í þessu og svo er mættur nýr karakter sem er ekkert síðri en þar er þýskur tískuhommi mættur á svæðið sem aflitaðann hanakamb.

Snilldardót.

Fékk hjá elskulegum bróður mínum honum Óla bókina Sould Crew sem fjallar um fótboltabullur. Bókin er skrifuð af tveimu gaurum sem voru The Cardiff Soul Crew sem er það bullugengi sem oftast hefur komið í blöðin og í kast við lögin.

Fékk hana í gær og er búin með smá í henni og líkar vel.

Í gærkvöldi sá ég loksins Living with Michael Jackson, þáttinn sem hefur gert innkaupastjóra RÚV að hetju fyrir það eitt að hafa keypt þáttinn til sýninga.

Það var soldið merkilegt við þennan þátt hvað Michael hleypir myndavélunum nálægt sér og gaman er að sjá hvernig maðurinn lifir. Geðveikinn fannst mér hellast yfir hann smám saman í þættinum og í lokin var han orðin kexruglaður, einhvern veginn varð hann klikkaðri og klikkaðri.

Eitt sem mér fannst merkilegt er að mér fannst hann ekki eins skemmdur í framan svona á hreyfingu að fíflast en þegar maður sér mynd af honum í glanstímariti er hann stórskemmdur í framan. Kannski hann í sínu rétta umhverfi meira. Annars er þessi maður alvarlega veikur á geði og má þar örugglega kenna að einhverju leiti fjölmiðlum en það var rosalegt að sjá hvernig hann er hundeltur af aðdáenum og fjölmiðlum útum allt og það strax frá 12 ára aldri.

Annars hef ég ekkert nýtt að segja um þennan þátt sem nú þegar hefur ekki verið tekið fram.