Leopard er fallegt.
Það var ekki fleira.
Archive for the 'Apple' Category
Um daginn ákvað ég af rælni að afrita allar myndir af makkanum mínum yfir á flakkarann minn. Engin sérstök ástæða, bara til að vera öruggur um að eiga afrit af myndunum ef allt færi nú í rugl.
Viku seinna hrynur harði diskurinn í makkanum mínum. Ég var í engu stuði til að fara að punga út peningum á verkstæði til að láta laga vélina og ákvað því að kaupa nýjan harðan disk og taka vélina í sundur.
Í mörgum PC vélum er hlutunum komið þannig fyrir að notandinn geti t.d. sett auka vinnsluminni og skipt um harðan disk og rafhlöðu á eigin spýtur. Á Apple vélinni minni er það aftur á móti öfugt. Ég get stækkað minnið og skipt um rafhlöðu. Meira er mér ekki treyst að gera.
Ég fór því á netið og fann þessar fínu leiðbeiningar sem útlistuðu nákvæmlega á mannamáli hvernig þetta skyldi verða gert og þeir voru meira að segja svo góðir að láta mig vita hvernig skrúfjárn ég myndi nú þurfa. Eftir smá leit í Húsasmiðjunni af torx númer 6 (T6) og Philips skrúfjárni númer núll var komið að þessu.
Skellti handklæði á stofuborðið og byrjaði að taka vélina í sundur. Þetta var ótrúlegt magn af skrúfum sem byrjuðu að koma úr ótrúlegustu stöðum á vélinni og ég teiknaði myndir af tölvunni og setti hverja skrúfu við hverja mynd svo ég myndi vera 100% á hvaða skrúfa ætti að fara hvar. Þetta kallast að taka Guðjóninn.
Eftir smá stund var vélin komin upp aftur og nýuppsett vélin farin að mala eins og vindurinn. Diskurinn er hraðari en sá gamli og 40GB stærri. Heildarkostnaður er rúmar 7þúsund krónur og klukkustundarvinna hjá mér sjálfum.
Nýja iPhoto er æði, þess má til gamans geta. Miklu hraðara og events röðunin er langtum betri en smart folder ruglið úr eldri útgáfum.
Nördafærslu dagsins er lokið.
Ég er búin að handleika tækið sem mig langar í, guð minn góður hvað það er fallegt. Mætti Hjalla frammi á gangi og þá skellir hann svona tæki í andlitið á mér.
Í nótt þegar Óskarinn var í full swing var sýnd fyrsta sjónvarpsauglýsingin fyrir iPhone , nýja GSM símann frá Apple.
Það sem er merkilegast við þessa auglýsingu og fólk er ekkert að fatta er að lagið í auglýsingunni er eftir Einar Tönsberg eða Eberg eins og hann kallar sig og heitir Inside your head .
Það þykir mér merkilegra en auglýsingin, sem er þó helvíti skemmtileg.
Tóndæmi dagsins sá ágæti dagskrárliður hér á þessari síðu telst til mp3 blogga. Maður les ófá mp3 blogginn þessa dagana í leit að nýrri tónlist og til að sjá hvað er sisslandi kraumandi undir í grasrótinni og hvað telst til næsta stóra hlutar.
Hjalti Jakobsson, mikill snillingur og vinur minn er búin að skemma bloggrúntinn með snilldinni sinni sem Peel er. Peel er stórkostlegt forrit (sem virkar eingöngu á mac) sem fylgist með mp3 bloggunum mínum og segir mér hvað er nýtt. Nær í lögin ef ég vil svo, flokkar niður í möppur og setur í iTunes fyrir mig. Þetta hefur alveg breytt hvernig ég les mp3blog og í raun alveg mynstrinu mínu í að nálgast nýja tónlist.
Ég hvet alla makkanotendur til að ná í Peel og prufa gripinn. Það verður ekki aftur snúið.
Maður helgarinnar er Steindór Gunnar Steindórsson. Hann fór langt út fyrir mörk hins byggilega heims í því að standa sig sem góður vinur. Hann reif sig upp til að sækja Mummann sinn, sem var kenndur og kom skröltandi í jakkafötum af Saga Class. Það er erfitt líf að vera plebbi, svo mikið er víst.
Dóri átti að koma á Hertoganum en þar sem fjarstýring með Lock / Unlock funksjóni var of flókin fyrir hann sagði hann bílinn vera bilaðann og staulaðist fram og til baka þangað til að aldraðir foreldar mínir sem voru ölvuð (eins og örverpið) á jólahlaðborði sáu aumur á honum og lánuðu honum jeppann sinn.
Dóri gerði meira en til var ætlast og fyrir það er honum hrósað. Dóri er góður vinur.
Í dag er iPoddinn frá Apple 5 ára. Magnað tæki sem hefur breytt þankagangi fólks um allan heim. Við hlustum og umgöngumst tónlist á allt annan hátt en við gerðum.
Það er auðvitað ekki allt iPod að þakka en stór hluti að einhverju leiti, það er á hreinu. Næsta mál væri að fá iTunes Music Store á Íslandi. Tonlist.is notar WMA formatið sem virkar ekki á iPod. Ég hef aldrei skilið þá leið að notast við format sem stærsti spilari í heimi getur ekki spilað. Tilhvers að leika bara við 10% af markaðnum?
Ég hef átt og á tvo iPodda. Sá fyrsti var 3.kynslóðarstykki, 20gb en virkar enn þrátt fyrir að hafa farið í sturtu. Hann spilar lög og hleður sig en ég get ekki tengt hann við tölvu lengur þannig að þessi 19gb sem á honum eru verða að duga. Hann nota ég í Hertoganum með iTrippi.
Betri iPoddinn minn er svo 5.kynslóðar 20gb iPod með video fúnksjon. Virkar vel og ekkert út á hann að setja.
Til hamingju með daginn.
Þráðlausa Mighty Mouse er eðaltæki. Ég var nú ekkert að fíla gripinn fyrst en hún venst betur en ég átti von á.
Nú á aðeins eftir að athuga með hversu vel rafhlöðurnar endast. Eina sem pirrar mig er að refresh reitið á músinni er ekki eins gott á Logitech snúru músinni sem ég var með og því ferðast músarbendilinn hægar um skjáinn. Er með kvikindið stillt í botn en samt er bendilinn hægari en Logitech músin.
En það er engin snúra. Ég hata snúrur.
Apple héldu í gær WWDC, ráðstefna fyrir forritara og þróunargutta Apple megin. Þarna eru kynntar nýjungar og fínerí í vélbúnaði og á high end hlutum.
PowerMac var formlega drepinn og Mac Pro kom í staðinn með 2x Core Duo Xeon örgjörvum sem þýðir í raun kraftur á við fjóra örgjörva og það sama var gert með Xserve. (gummijoh.net er keyrð á Xserve).
G4 og G5 PowerPC örgjafarnir eru því formlega dauðir.
Núna er ég Apple og PC gaur í einu og finnst það fínt og lifi bara í sátt og samlyndi á milli vélanna. Þegar að Steve Jobs hélt sína kynningu varð ég þó enn og aftur fyrir vonbrigðum með stælanna og böggið gagnvar samkeppninni. Apple vilja meina að Microsoft hafi stolið öllu sem þeir hafa verið að gera með Mac OS X og sett í Vista sem er handan við hornið.
Það hefur verið calendar í Outlook miklu lengra en iCal hefur verið til, RSS er ekki neitt sem að Apple menn fundu upp, Backup lausn (þó ekki eins fancy en eigum eftir að sjá Time Machine í action) hefur verið frá dögum Windows 95 og svo mætti telja áfram. Linux menn gætu þá vælt að Apple séu að stela frá sér þar sem að Spaces fídusinn hefur verið þar í gluggakerfinu í ár og aldir. Spotlight er leitarfídus, vú hú!!! Leit er ekki neitt breakthrough, google menn kunna hana best. 64-bita stuðningur , Windows menn hafa haft hana í meira en ár í Windows XP. Ekki eru þeir að væla yfir að Apple hafa stolið því. Þetta er bara eitthvað sem allir setja inn þar sem notkun á 64 bita örgjörvum er að aukast. Dashboard sem var kynnt í Tiger er ekki einu sinni frá Apple heldur hefur verið í notkun í mörg ár sem Konfabulator. Stolið!
Það er ekkert sniðugt að vera að dissa samkeppnina svona, það hreinlega gerir fólk bara pirrað eins og mig sjálfan. Svona Apple fanboy-ism er ekki eins algengur og hann var, Apple notendur fíla sig ekkert endilega lengur sem einhvern hluta af elítunni sem má og getur notað Apple þar sem þær eru orðnar langtum algengari í höndum hinna "venjulegu".
Skamm segi ég. En þó er ég spenntur að sjá það sem er að koma. Leopard útgáfan af OS X lítur vel út og loksins er búið að uppfæra Mail en ég er þreyttur á því forriti. Thunderbird er betri. En það vantar samt uppfærslu á Finderinn, það er eitthvað það mesta prump sem að ég hef notað.
Það er nettur mánudagur í manni.
Apple hafa hrundið af stað nýrri auglýsingaherferð sem á að sýna hvað Makkinn er æðislegur og frábær en PC tölvur leíiðinlegar.
Þetta eru ágætis auglýsingar þar sem húmorinn er í fyrirrúmi en einhverjar tölur og staðreyndir látnar liggja á milli hluta, sérstaklega finnst mér Networks týpan skemmtilegust. En það er eitt sem böggar mig útí hið óendanlega.
Makkar frjósa alveg og það þarf oft að endurræsa þá. Það er barnalegt að halda öðru fram eins og heil auglýsing gengur útá hjá þeim. Ég nota PC í vinnunni og meira segja nota ég PC líka heima þegar að Makkinn er ekki til í tuskið og ég endurræsi þá ekki oftar en Makkann minn og þeir frjósa ekki oftar heldur. Það er líka fullt af holum og bakdyrum sem hægt er að nýta á Mac OS X en þar sem langtum langtum langtum færri nota Mac að þá eru tölvuþrjótarnir bara PC megin að angra fólk.
Ég fíla Apple og er stoltur notandi þeirra en svona barnaskap fíla ég ekki.
Steve Jobs er svona gaur sem maður annað hvort elskar eða hatar. Í gær á hluthafafundi var hann að segja hluthöfum frá 17" MacBook Pro vélinni og þá sagði hann orðrétt, „Everyone wants a MacBook Pro because they are so bitchin’". Held að endurkoma Steve Jobs árið 1997 sé einhver sú rosalegasta í langan tíma eftir að hafa verið ýtt úr fyrirtækinu 1985. Fyrirtækið blómstar og græðir meira en nokkru sinni fyrr og Apple merkið er eitthvað það vinsælasta premium brand sem til er. Jobs kom aftur eftir að John Sculley hafði rekið fyrirtækið, komið því í gegnum breytingar um að nota t.d. PowerPC örgjörva eitthvað sem Sculley hefur opinberlega séð eftir en honum fannst að Apple hefði frekar átt að velja Intel. Apple breytti svo yfir í Intel örgjörva bara núna nýlega. Pabbi hefur líka fundað með John Sculley, manninum sem gerði Pepsi að stórveldi. Fílaða.
Ég sé Bjarna Ármanns fyrir mér tala um sparnaðarleiðir og segja hversu bitchin þær eru.
Hér eru fimm forrit sem ég get ekki verið án á Makkanum mínum. Í engri sérstakri röð.
AdiumX.
Besta MSN forritið sem til er. Betra en MSN sjálft og það frábæra er það virkar ekki bara með MSN heldur líka með iChat, AOL, Yahoo Messenger og Google Talk ásamt fleiri stöðlum. Allt á einum stað. Svo má stilla forritið til andskotans til að þóknast sér bæði verklega og útlitslega.
HimmelBar
Finder í Mac OS X er handónýtt tól að mínu mati. HimmelBar leysir það að mestu en þetta litla hraða forrit keyrir í statusbarnum og gefur manni aðgang að öllum forritum og tólum sem maður þarf á að halda. Einhverjir gætu bent á QuickSilver í staðinn en þetta þóknast mér betur.
CyberDuck
Frábært fríkeypis FTP forrit. Ég hef reyndar ekki enn fundið FTP forrit sem nýtist mér 100% á makkanum. Stundum nota ég Transmit (sem kostar) og stundum nota ég Cyberduck og það sem er verra að stundum nota ég Terminal. Ef ég er í algjöru rugli að þá nota ég Remote Desktop til að nota FlashFXP á PC vélinni.
Delicious Library
Það eru fá forrit sem að fá fólk til að slefa yfir Makka eins og þetta forrit. Sýnir DVD safnið, geisladiska safnið já eða bara bókaskápinn á grafískann hátt og svo er auðvelt að halda utan um hver fær hvað lánað með þessu. Mjeg flott.
VLC
VLC spilar allt, allt segi ég. Ef maður er ekki viss hvaða codec eða hvað eitthvað er að þá eru miklar líkur að það skipti engu máli þar sem að VLC gleypir við þessu. Líka til fyrir PC og allan andskotann.
Svo verður einnig að nefna iCal, iSync, iTunes og Mail en það er ótrúlegt hvað forritin sem Apple gera sjálfir eru góð. Þau eru einföld og virka einstaklega vel saman. Monolingual er einnig mjög sniðugt þar sem það hreinsar út fjöldan allan af tungumálum sem maður notar aldrei sem komu inn með stýrikerfinu. Forritið losaði um 3gb af minni vél.
Auðvitað vantar hér fullt af dóti en þetta er þó eitthvað. Ef þú ert á makka og ert ekki með þessu forrit mæli ég með að athuga þau.
Þetta er svokallað skyldublogg því að Guðjón hefur eitthvað að segja. Allt innihald þessarar færslu má finna í kommentakerfinu.
take it away Guðjón.
Vinir mínir geta sleppt því að lesa þessa færslu, þetta er tölvunördafærsla fyrir makkanotendur.
Ef það er eitthvað sem ég þoli ekki við Makkann er það skortur á almennilegu FTP forriti og svo að Makinn skilur alltaf eftir sig slóð þegar maður er búin að tengjast við sheiruð drif á PC vélum, skilur eftir DS STORE skrár og _filename drasl sem er engin tilgangur í nema fyrir Makkann því þarna geymast stillingar fyrir Finderinn fyrir þessa ákveðnu möppu.
Fann núna hvernig megi stoppa þetta. Keyra upp Terminal og skrifa defaults write com.apple.desktopservices DSDontWriteNetworkStores true
Þá er málið dautt, skil ekki afhverju þetta er ekki sjálfgildi í stýrikerfinu.
Ef það er eitthvað sem fer í pirrurnar á mér við annars frábæran flutning minn frá PC yfir á Mac að þá er það tvennt sem að stendur uppúr.
FTP forrit á Mac eru miklu verri en á PC. FlashFXP hefur höfuð og herðar yfir allt það sem er í boði á Mac. Sama hvað ég hef prufað, Interarchy, Transmit, Fetch eða Cyberduck að þá er ekkert af þessu jafn gott og FlashFXP eða bara Filezilla á PC. Fáránlegt að tengja sig inn á PC vélina mína í gegnum Remote Desktop til að nota FlashFXp til að gera suma hluti.
Annað mál á dagskrá er blessað móðurmálið. Sama hvað tautar og raular að þá virkar Firefox ekki. Ég get ekki skrifað ð, þ og ö í Firefox nota bara Camino á meðan sem er mjög góður en samt ekki FireFox. Ástæðan er held ég sú að vélin mín er keypt úti og íslenskan er höxuð inn í stað þess að ég hafi keypt 15.000 króna staðfærsluna frá Apple á Íslandi. Það á ekki að refsa manni fyrir að kaupa tölvuna annarsstaðar. Linux vélar, Windows vélar og hvaðeina virka á hvaða tungumáli sem er, hvar sem er. Rugl og vitleysa.
Veit einhver hver væri besta leiðin að converta xml file yfir í vcard eða ldif sem að Address Book á Makkanum skilur.
Verð að redda þessu, er alveg í ruglinu eina ef þetta reddast ekki.
Þannig að það sé nú pottþétt á hreinu að þá er allt sem að Will Ferrell gerir fyndið.
Maður ætti nú til að breiða út boðskap þessa fyndnasta manns heimsins í dag að skella cowbell sketsinum á netið. Fer í það mál í kvöld. Þessi skets er klikkaður og það geta allir hlegið að honum.
If you don´t like it, I will fight you!
Steve Jobs er búin að tilkynna allt sem merkilegt má kallast á MacWorld og það sem stendur uppúr er óneitanlega Ipod Shuffle sem kemur í 512mb og 1gb útgáfum, er varla stærri en tyggjópakki og tengist beint í USB2. Það er engin skjár þannig að maður sér ekkert hvað maður er að hlusta á og maður stjórnar ekkert um það hvað er næst, enda er þetta kallað Ipod Shuffle. Hann spilar bara eitthvað.
Svo er það hauslausi Makkinn eða Mac Mini (ljótt nafn). Þarna er verið að selja tölvu sem kemur án skjás, lyklaborðs og músar. Í raun bara kassinn, pínulítill með G4 og því helsta sem að þarf. Hægt að stækka hann og fá SuperDrive og Airport. Þetta er snilldar tæki sýnist mér við fyrstu sýn. Er með nægt afl og vel það og hentar vel fyrir þá sem vantar bara einfalda borðtölu. Apple lækkaði alla skjáina sína fyrir ekkert svo löngu síðan og svo auðvitað má tengja hvaða skjá sem er við þetta box. Mjög flott.
iLife dótið, Final Cut Pro og það snertir mig minna þar sem ekkert merkilegt var sýnt þar svona þannig lagað.
Hversu svalt er það þegar ég synca Ipoddinn minn við Powerbookina mína að Audioscrobbler taki upplýsingarnar úr Ipodnum og bæti við það sem ég hafi verið að hlusta á.
Þetta gerir Scrobblerinn ekki á PC þannig að það sem maður er að hlusta á listinn skekkist aðeins við það.
Snilld.
Entries (RSS)