Borgarstjórnarflokkur Sjálfstæðisflokksins er staddur í Höfða og hringir í Júdas Inga sem ekki er komin á fund.

D: Við erum hér, hvar ert þú?

Júdas : Er búið að segja gjörið svo vel?

………

Þessi dagur fer í sögubækurnar. Við erum aftur komin með R-listann sem minnihluta Reykvíkinga vildi. Við fáum borgarstjóra sem hefur minnihluta stuðning, við fáum Margréti Sverrisdóttur fyrir Frjálslynda sem forseta borgarstjórnar sem er ekki einu sinni í Frjálslyndflokknum heldur varaformaður Íslandshreyfingarinnar.

Fokkings rugl. Veit einhver um góða íbúð úti á Seltjarnarnesi handa mér?

Er þetta ekki end of an era? Orðið á götunni er að Lubbinn sé hættur.

Held að Audioscrobbler sé með því sniðugra sem að ég hef séð lengi. Þetta er bara lítil viðbót við Itunes eða Winamp sem að sendir svo á netið hvað ég hef verið að hlusta á. Svo getur Audioscrobbler útfrá þessu bent mér á aðra sniðuga tónlist sem að ég gæti haft áhuga á.

Bíó fær plús kladdann enn og aftur fyrir að benda mér á þetta. Þetta er sniðugt apparat.

Notandinn minn er hérna. Staðan á honum er svolítið skondinn þar sem ég hef bara aðallega verið með einn playlista í gangi síðan ég setti þetta upp. Verður forvitnilegt að skoða þetta eftir einhverjar vikur og sjá þá munstrið. Þetta verður eflaust skrýtið samt því þegar ég fæ eitthvað lag á heilann er því nauðgað í nokkra daga stanslaust.

Haldið ekki að maður sé bara heimasíða vikunnar hjá Benna mági mínum.

Það verður að teljast heiður.

Skellti inn nýjum myndum frá föstudeginum.

Ívar er svo með nýjar myndir frá laugardeginum á sinni myndasíðu

Sko.. þetta sem ég var að skrifa um Matrix Reloaded.

Ég var búinn að búa til svo mikið hype í hausnum á mér um þessa mynd og svo þegar kom að því að sjá gripinn var þetta bara vonbrigði á vonbrigði ofan.

Voru t.d. ekki að nota flottasta hlutinn sem er bullet time brellan nógu vel og mikið. Þegar þeir notuðu hana fór myndavélin ekki einu sinni í hring eins og í gömlu myndinni nema bara smá. Þó var virkilega flott þegar að trukkarnir tveir skullu á hvorn annan.

Tónlistin var krapi og það sem verra er að samtölin voru stirbusaleg og skrýtin. Það var einkennilegt að hlusta á þau tala.

Auðvitað voru inná milli atriði sem voru flott og féllu vel inní og ég var alveg hrifinn af sumu sem þarna var að gerast eins og t.d bardagaatriðin og svona en þó fór í pirrurnar á mér þegar að Neo var að berjast við alla Agent Smith gauranna og þá var þetta bara hálf tölvugert og skrýtið allt saman. Það var eins og að brellugaurarnir hefðu verið að flýta sér um of til að gera myndina en ekki að vanda sig sem mest þeir máttu. WETA sem gera Lord of the Rings brellurnar og ILM sem gera næstum allt annað sem skiptir máli hefðu gert þetta miklu miklu betur en þeir hafa þó Matrix 3 til að sanna hvað þeir geta.

Þetta internet hættir ekki að koma á óvart. Ef þið hafið fengið sent dótið af feita gaurnum að fíflast með geislasverð að þá á hann voða erfitt núna því að það eru allir að hlæja að honum.

Þetta átti víst ekkert að leka svona útá netið og hann á voða bágt. Gefum honum því pening.

Ég verð að segja að ég sé nokkuð sammála þessu í aðalatriðum. Ágætis lesning.

Ekki leiðinlegt að snúa sér að netinu í dag og sjá að meistari Már er mættur aftur á svæðið.

Óska Má velkomin aftur í bloggheima, hann var áhorfandi einum of lengi og svo skartar hann Movable Type í þokkabót.

Er búinn að henda inn nokkrum flokkum til viðbótar í myndaalbúmið. Lofa að henda inn fleiri myndum við fyrsta tækifæri.

Tralalala!

Mættur í bloggheima er Kristinn Björgúlfsson. Maðurinn sem stendur bakvið flest siðlaus grín í Breiðholti frá byggingu þess.

Lesist með varúð. Þó að það sé ekkert alvarlegt þarna inni núna að þá mun maðurinn örugglega græta einhvern og jafnvel reita einhvern til reiði.

En hann er hress og er mættur á netið og það er fyrir öllu.

þetta verður að teljast nokkuð magnað já og gott en Google, uppáhalds leitarvélin okkar allra er búinn að kaupa Pyra Labs en Pyra einmitt er fyrirtækið sem gerir og heldur uppi Blogger og öllu því dóti.

Ole ole ole! Verður að teljast nokkuð gleðilegt þar sem Google eru hetjur.

Núna er komin í loftið ágætur vefur fyrir Gettu Betur. Það sem er skemmtilegt við þennan vef er að hægt er að sjá allar úrslitarimmurnar sem hafa verið yfir árin. Stefán Páls að masa í kynningum, Siggi Kári að rífast í lok Versló VS MR þar sem honum fannst dómarinn dæma Versló í óhag og þar með taka af sér sigurinn og svo ótrúlegur bráðabani Borgarholtsskóla við MR árið 2001.

Gaman að geta séð þetta en þetta er þó svolítið stórt allt saman og því ekkert fyrir hvern sem er að skoða.

Sigurjón sem ég veit ekkert hver er tekur út „blogglandsliðið” sem ég man ekki hvar fann uppá einu sinni.

Ég sakna nagportal eins og það var eins og Valur gerir líka.

Fyrir þá sem muna eftir fyrstu útgáfu af naggnum að þér gaman að skoða þetta og láta músarbendilinn hanga smá tenglunum vinstra megin. Nostalgía sem fylgir því að skoða listann því þarna eru margir góðir sem eru löngu hættir.

Það fer nú bara um mann þegar maður les svona. Finnst þetta soldið broslegt en lamaði bloggarinn hann Erling benti mér á þetta.

Til að koma öllu um þessa Íslendingabók í eina færslu fyrir alla bloggera að þá er nóg að segja:

Við erum öll skyld!

Fyrivara má þó setja eins og t.d. að Íslendingarnir Damon Johnson og Roland Valur Eradze eru ekki skyldir okkur. En allir Íslendingar með ættingja aftur til ca ársins 1500 geta reitt á það að vera skyldir. Sama hverjum ég fletti upp í Íslendingabók, kunningja eða landsþekktum einstakling að þá er þetta skylt mér.

Lítill þessi heimur. Núna þekkir maður ansi marga af þessum bloggurum og vel það. Eiginlega allir vinir eru með blogg eða hafa verið með blogg, þeir hafa allir fengið þessa bólu í höfuðið um að þetta sé málið og svo haldið áfram mig lengi og varla byrjað sumir af þeim.

Enn öðrum hefur maður svo náð að kynnast í gegnum bloggið og það er bara gaman að því. Svo eru enn fleiri sem bætast við sem maður kannast við svona í gegnum hið daglega líf og sér svo að þeir eru allt í einu mennirnir bakvið bloggið.

Sá nýjasti í flórunni er Bersi en þessum manni hef ég dæmt með all nokkrar MORGRON keppnir og vel það. Hann er hress.

Fékk í dag sent notendanafn og lykilorð inná Íslendingabók. Þetta er stór sniðugt apparat og sá ég strax að ég er skyldur öllum. Svona af vinahópnum var ég skyldastur Jóa Jökli af öllum sem ég fletti upp. Kom mér líka á óvart að ég er skyldur vinum mínum sem eiga fjölskyldur að vestan og austan sem aldra hafa stigið fæti á ættaróðöl mín í Borgarfirði, Húsafelli og á Reykjanesi. En lausgirt var þetta nú allt saman og því er þetta svona.

Af frægu fólki er Þorsteinn Joð og Hilmir Snær náskyldir og þremmenningar er orð sem maður getur notað. Samt þekki ég þetta fólk ekki neitt.

Af bloggerum má nefna Tomma, Katrínu, Bíó og fleira og fleira lið.

Flest tengist þetta í gegnum Húsafellsætt en amma Kristín sem er mamma hans pabba er í þeirri ætt. Afi Guðmundur sem er pabbi afa kom svo og afi kristinn sem er pabbi mömmu var í þriðja sæti. Amma Dúna var lítið af hafa sig frammi en eitthvað þó. Þetta er sniðugur vefur og kom mér á óvart að hann var hraður í vinnslu.

Assa lykilinn minn er víst ekki málið í dag. Bara hver sem er getur komist inní Jóh setrið.

Jæja eins og einhverjir hafa kannski tekið eftir að þá er myndasíðan mín að stíga sín fyrstu spor. Allt voða einfalt en ég er smá latur að henda gamla dótinu aftur inn. Núna þarf ég líka að vera duglegri að vera með litlu stafrænu vélina mína og taka myndir til að deila þessu með ykkur.

En það er eitthvað smá komið inn og því ætti kommentaflóðið að geta byrjað og gleðin hafist á ný. Til hamingju Ísland.