Hef í dag verið að prufa mig áfram með því að blogga í gegnum sms. Það finnst mér langtum heppilegra en MMS myndablogg eða talblogg því þetta er keimlíkt því sem ég nota í dag. Már og Keli hafa líka snilldarlega sett inn alla íslenska stafi og meira til og það er eitthvað sem mér finnst virkilega vel gert hjá þeim.

SMS gátt Símans hefur verið að stríða okkur en Og Vodafone notendur hafa getað notað þetta í dag. Ég er að prufa mig áfram og finna parameter sem gengur fyrir þetta og vonandi að einhver þeirra virki. Annars verður maður bara að skipta um númer, nei ég held reyndar að það muni aldrei gerast.

Ótrúlegt hvernig nokkur restört, uninstall hardware, driver setup og það mjög oft getur lagað ótrúlegustu hluti.

Tölvan mín hress aftur að ég held. Hljóðið allaveganna komið aftur sem betur fer. Leið hálf illa að geta ekki hlustað á mp3 þar sem útvarpið er svo steingelt að ég vil bara vera með minn þátt. Alltaf stuð í honum, alltaf verið að gefa eitthvað og bara já.

Virkilega búið að vera mikið tölvubögg í dag á vélinni minni. Hljóðkortið er hætt að virka. Það virkaði fínt í gærkvöldi og spilaði Ladytron tónleika eins og ekkert væri sjálfsagðara. Hvort að hljóðkortinu hafi fundist tónleikarnir leiðinlegir veit ég ekkert um en svo eftir að ég hætti að hlusta og fór að gera eitthvað annað hefur eitthvað gerst því þegar ég sneri aftur í tölvuna og ýtti á play í winamp var ekkert hljóð.

Er búinn að prufa allt. Svo í dag hætti tölvan að sýna mér heimasíður og texta í Windows. Formataði því diskinn sem stýrikerfið á og er núna að setja allt upp aftur. En hljóðið er ekki enn komið. Virðist líta út fyrir að ég verði að verlsa mér nýtt hljóðkort. Andskotans segi ég bara.

Þá hafa Palm loks keypt sinn helsta keppinaut Handspring. Stofnandi Palm og aðalmaður hætti á sínum tíma hjá Palm þegar að 3Com keyptu reksturinn og stofnaði sitt eigið fyrirtæki sem er einmitt Handspring. Hann gerði svo samning við Palm um að nota PalmOs kerfið í sinar vélar.

Handspring gerðu alltaf betri hluti heldur en Palm í heildina, voru á undan með nýjungar og PalmOS kerfið almennt blómstraði í vélum Handspring manna á meðan Palm vélarnar sjálfar voru luralegar og almennt klunnalegri.

Það verður gaman að sjá hvað gerist með Handspring menn innanborðs hjá Palm.

BT auglýsa eins og mófóar að Matrix síminn sé komin í hús en það er Samsung sími.

Þessi sími er hvergi í myndinni og síminn sem þeir eru að nota í myndinni er með Nokia stýrikerfi og ekki einu sinni með litaskjá eins og Samsung síminn hefur. Merkilegt þetta markaðssamstarf.

T610 kemur í hendur mínar á morgun. Snilldartæki frá SonyEricsson.

65536 lita skjár, innbyggð myndavél, Bluetooth, GPRS (4+1), pop4 og imap póstforrit, triband, MMS, polyphonic 32 tóna hringitónar og 2mb í minni. Síminn er líka svo flottur og er úr áli.

bara án efa besti síminn í dag.

Setti upp relax server þannig að Xboxið geti talað við PC vélina mína. Þetta er miklu þægilegra, einfaldara og sýnist á netinu að þetta sé almennt talið hraðara en hin leiðin.

Með þessu móti er Xboxið byrjað að spila mp3 í gegnum lan hér heima, það er sömuleiðis byrjað að sýna mér myndirnar sem ég hef tekið á Ixusinn sem og ég get skoðað allt það myndbandsefni sem ég hef náð í í gegnum lanið. Þarf því ekki að kópera neitt á milli pc vélarinnar og xboxins því þetta streamast bara á milli. Hefði átt að vera löngu búinn að þessu en bara ekki nennt því þegar að hin leiðin var alveg ágæt.

Setti upp Operu 7.10 á heima og vinnuvélina mína. Líkar fínt en það angrar mig t.d. í MovableType að þá vantar takkana sem gera bold,italics og link. Ég nenni ekkert að hamra alltaf inn linkinn manualt þegar ég get gert það miklu fljótar með flýtitökkunum sem bara eru horfnir í Operu.

Annars er þetta rosalega flottur vafri sem ég er mikið til að í nota en takkana vil ég fá.

Og þið hjá Operu, þið fáið engan link.

Komin með Xbox í hús. Í kvöld verður settur 120gb diskur í tækið og mod kubburinn lóðaður í sem gerir mér kleift að keyra upp annan bios þannig að þá er streaming multimedia centerið mitt orðið að veruleika.

Fallegur dagur í dag.

Nokkuð spenntur núna en kubburinn er komin í hús og þá vantar bara Xboxið.

tækjatröllið.

Snilldin ein sem er að gerast núna. Var að spá í að fá mér alvöru DVD spilara og hætta að vera svona háður tölvunni minni til að spila myndir og annað og geta þannig bara verið inní stofu.

Valgeir og Ívar eru báðir búnir að gera það sem ég ætla að gera og eftir að hafa séð vélina í action hjá Ívari nú á laugardaginn get ég ekki sagt annað en að þetta verði snilldin ein.

Fæ Xbox að utan á slikk og panta mér X-ecuter 2 Lite kubbinn sem er svo skellt í vélina. Keyri upp annan bios og skelli vélinni inní stofu og tengi inná LANið sem ég er með heima og þá er ég komin með Streaming Multimedia Center. Get með þessu spilað allt sem er á tölvunni minni (mpeg,mpeg2,divx,avi,asf,mov,mp3,bin,iso,dat,vob,jpg og bara allt) og er komin með region free dvd spilara og leikjatölvu. Þetta er eðalgræja sem getur allt og það bara fyrir rúmar 20 þúsund krónur.

Hlakka ekkert smá til að fá gripinn í hendurnar því þetta verður snilld. Ég trúði því varla að græjan væri svona rosalega sniðug en þegar maður sá þetta hjá Ívari í fullri virkni að þá bara gat ég ekki annað en eignast svona því þetta gerir allt sem ég vil að tæki geri og vel það.

Kiddi bróðir minn er svo heppin að eiga glænýja lófatölvu sem heitir Loox 600 og er eðal gripur. Eftir að hafa fiktað smá í henni og svo lesið mér lítillega til að á netinu sér maður að þetta er kóngur og vel það og tekur Compaq og HP vélarnar í nefið. Innbyggt Bluetooth lét svo Looxinn tala við símann minn strax og þannig getur tófatölvan farið á netið þráðlaust í gegnum GPRS, ekkert IRDA bull eða datakapall heldur bluetooth sem er hið besta mál.

Vélin keyrir á PocketPC sem er nýtt og endurbætt WindowsCE. PocketPC er miklu miklu betra en WinCE og gott hjá Microsoft að endurskýra stýrikerfið þar sem WinCE var svo böggað. Talaði í byrjun bloggsins sumarið 2000 nokkuð mikið um Windows CE og gallana á því en það er allt búið og endurbætt með PocketPC.

Hlakka til að fikta meira í tækinu hans Kidda en það er hægt að kaupa endalaust af aukahlutum í það og svo má meira að segja skella 1gb microdrive í það sem gerir þetta að ágætis mp3 spilara.

Fékk nett sjokk um 18:30 að staðartíma þegar að tölvan mín vældi með Bláskjá Dauðans og neitaði svo að keyra windows upp aftur. Meira segja Linux hlutinn var farinn. Ég prufaði eitt og annað en ekkert gekk. Fór svo á Jóh kvöld hjá Kidda þar sem Óli vann svo fótboltamótið og þegar ég kom heim og ætlaði mér að laga þetta að þá var allt komið í lag.

Skil ekki hvað þetta getur verið. Dettur í helst í hug hitavandamál eða eitthvað þannig en maður veit aldrei. Er samt að spá í að bæta við viftu til öryggis.

Annars var Jóh kvöldið hið ágætasta, góður matur og gott spjall.

Hef verið að gæla við það uppá síðkastið að uppfæra vélina mína. Hugsa að ég geymi það eitthvað en hef samt verið að skoða og spekúlera.

Er með svosum ágætis vél sem er alveg að standa sig en nördinn í mér vill fá eitthvað til að fikta í. Hann vill fá risavél sem getur allt.

Hugsa málið kannski aðeins meira.

Er aðeins búinn að vera að dunda mér í tölvuleikjum uppá síðkastið.

Unreal 2 er flottur en ekkert spes fyrstu persónu skotleikur. Er voða flottur og allt það en er ekki að gera neitt nýtt fyrir mér.

The Getaway er GTA style leikur fyrir PS2 sem heillar mig mjög. Hef að vísu ekki spilað hann mikið en það sem ég hef spilað er flott og mjög vel gert. Grafíkin er mjög góð og góð tónlist.
Hann gerist í London og það sem er svo svalt er að þeir sem gera leikin hafa gert London 100% og allt er eins og það á að vera. Pabba fannst þetta svo magnað að við brunuðum um allt að finna spítalann sem afi Guðmundur var á hér um árið og fundum hann. Það var Underground akkúrat þar sem hún átti að vera hjá spítalanum og meira til. Ekkert smá svalt. Svo er bara að sjá hvernig sagan og það allt er. Annars fær þessi leikur mjög góða dóma þannig að hann ætti að ganga ágætlega í mig.

Civilization 3 er svo klassík og ekkert annað sem gott er að grípa í.

Settu upp Linux í gær. Í stað þess að liggja yfir því hvaða distró ég ætti að velja tók ég bara Red Hat þar sem ég veit hvað það er. Hef áður notað SuSe og líkaði vel en átti þetta á diskum og ákvað því að henda því upp.

Windows var ekkert svo hrifið af þessu en Linux kunnátta mín er engin. Á eftir að angra Egil og spyrja hann ráða um hitt og þetta. Hef ekkert með linux að gera en það er gaman að fikta. Í vankunáttu minni komst ég ekki einu sinni inní gluggakerfið, var bara í einhverri skel. Hvernig kemst ég í gluggakerfið? KDE eða Gnome?

Alveg sem að síminn minn er að blíva. Bara erfitt að sýna það á netinu hversu sniðugur hann er og klár en ég held að hann geti allt nema að það vantar í hann polyphonic hringitóna en það skiptir mig engu máli.

Tengdi litla stafræna vél í botninn á símanum og hann tók myndir í góðu glensi af fólki sem ég tengdi svo við fólk í símaskránni minni og núna kemur t.d. mynd af Kidda bróður þegar að hann hringir og mynd af Bryndísi þegar að hún hringir. Tilgangslaust já en sniðugt mjög.

Ég var að fá mér nýjan síma. Gafst uppá 6210 ógeðinu sem var að anga mig með feedbacki og drasl hátalara.

Fékk mér núna alvöru síma sem getur allt og vel það. MMS, GPRS, pop3 email client, irda og fullt fullt fullt.

Undratækið Segway sem 60 minutes hafa fjallað ágætlega um eins og öll blöð sem ég veit þannig lagað um er nú búið að banna í San Francisco og nokkrar aðrar borgir íhuga það sama.

Það finnst mér soldið skondið sérstaklega þar sem gífurlega mikið af tæknifólki og tölvufólki býr einmitt í San Francisco. Það er svona fólk sem er hrifið af tækjum og er líklegt til að kaupa svona tæki. Gaurinn sem bjó þetta til hlýtur að biðla til yfirvalda um að endurskoða málið. Rosalega væri ég til í að prufa þetta skrýtna tæki. Það er held ég mjög skrýtið en efast um að ég eigi eftir að sjá svona á ævinni.

Æ hvað mér finnst þetta tilgangslaus umræða um ofbeldi í tölvuleikjum. RÚV fór svo með málið í aðrar hæðir þegar þeir fóru að gera frétt um það hversskonar Flash leiki fólk gæti spilað í gegnum tilveruna.

Það er ekkert nýmæli að klám og ofbeldi sé á netinu og hvað þá í tölvuleikjum. Afhverju er fólk að sjá þetta fyrst núna? Það þýðir ekkert að stökkva upp til handa og fóta núna og heimta úrræði. Ég hugsa að tölvuleikir skemmi ekki huga ungra drengja af því einu að spila þá, það þarf meira til. Fólk þarf að vera veikt fyrir ef þetta á að „triggera” eitthvað ofbeldi. Það gengur engan veginn að kenna tölvuleikjum alfarið um eitthvað. Bók t.d. getur látið ímyndunaraflið fara á fullt og það enn betur en einhver tölvuleikur.

Æ, ég ætlaði ekki að fara útí þetta en mér finnst þetta svo asnaleg umræða og einslit. Barnaleg ef eitthvað er. Þetta fólk ætti bara að prufa að spila tölvuleiki svei mér þá.