gummijoh.net

Drengjakór Breiðholts

Gummi Jóh — Tue, 31 Aug 2010 14:01:31 +0000

Drengjakór Breiðholts, þetta fyrirbæri sem fyrst var stofnað í hálfgerðu gríni en varð svo að alvöru hefur að ég held gert allt það sem að tónlistarmenn þurfa að gera til að teljast fullgildir meðlimir í Frægðarhöll Poppsins á Íslandi.

Drengjakórinn hefur afrekað meira en margir listamenn sem við teljum til popplandsliðsins.

- Syngja fyrir fullu húsi á Nasa. CHECK

- Eiga lag á topplista Rásar 2. CHECK

- Eiga lag á topplista Bylgjunnar. CHECK

- Syngja fyrir fullri Laugardagshöll. CHECK

- Syngja á metsöluplötu. CHECK

- Syngja í Hallgrímskirkju. CHECK

- Syngja í Kastljósi. CHECK

Næst hlýtur það að vera Radio City Music Hall eða Madison Square Garden.

Aflaklóin ég

Gummi Jóh — Mon, 30 Aug 2010 16:30:48 +0000

Það er eitt að vera stóryrtur, rífa kjaft við messaguttann og svo að þurfa að horfa í augun á skepnu undirdjúpanna. Slagurinn var þungur og tók á en klárlega sigraði síðuhaldari þessa undraveru hafsins.

Tónlistarmaðurinn Toggi toppaði þó veiðiferðina þegar að hann veiddi máv sem þó var sleppt enda styðjum við drengirnir sjálfbærar veiðar og viljum ekki raska hringrás náttúrunnar.

Skepnan kallast Steinbítur

Bubbi byggir

Gummi Jóh — Mon, 30 Aug 2010 15:49:56 +0000

Fyrir mann eins og mig er stórt stökk að þurfa að hlúa að steinsteypu og tréverki. Undir venjulegum kringumstæðum hefði ég unnið lengur til þess að þurfa ekki að smíða en ég er allt í einu byrjaður að hætta fyrr og fara frá vinnu til að fara heim og smíða. Það kallast ótrúleg þroskamerki.

Á L37 er nefnilega pallur, uþb 60fm pallur sem þarf að hlúa að og passa að sé tilbúin að takast á við veturinn. Fyrir mann með tíu þumalputta er þetta stórt og mikið verk en með góðri aðstoð getur tíu þumalputtamaðurinn verið ágætis handlangari og klárað það sem þarf að klára fyrir veturinn.

Það eina sem er eftir núna er að bera á helvítis pallinn og þá er verkinu lokið. Fyrir hálfu ári vissi ég varla hvað stormjárn var en núna veit ég það ásamt því að ég get auðveldlega sagað, borað og skellt í pall. Ekki svo flókið þegar að húsasmíðameistari með 50 ára starfsreynslu segir manni til verka. Stormjárn fyrir áhugasama kemur þó pallasmíð ekkert við, bara orð sem ég kann og vildi henda fram.

Þegar borið er á pall á sá sem það gerir að fá bjór, það er í kjarasamningum og algjör grunn forsenda þess að verkið sé vel unnið og af natni.

Myndarlegri smið finnur þú ekki, klassísk hönd á mjöðm og rafknúið tryllitæki í hendi.

Arcade Fire

Gummi Jóh — Thu, 12 Aug 2010 13:44:27 +0000

Nýjasta plata Arcade Fire er góð. Hún er þó af þeim toga að platan grípur mann ekki við fyrstu hlustun heldur þarf maður að renna henni nokkrum sinnum í gegn og þá allt í smellur hún. Á plötunni er engin augljós hittari heldur er platan öll góð sem heildstæð plata.

Þannig plötur fíla ég.

Meira svona takk.

www.youtube.com/watch?v=0L6ZFhZVOx0

Modern Family

Gummi Jóh — Wed, 11 Aug 2010 14:06:12 +0000

Ef það er að vefjast eitthvað fyrir fólki að þá eru sjónvarpsþættirnir The Modern Family skylduáhorf. Betri en How I Met Your Mother og betri en Big Bang Theory, bara það fyndnasta sem í boði er.

www.youtube.com/watch?v=GDeqc8sTLpc

Ok Go !

Gummi Jóh — Sat, 31 Jul 2010 23:26:23 +0000

Ég er algjör sökker fyrir svona Incredible Machine dóti. Skemmir svo ekki að lagið er gott og þar með er þetta frábært tónlistarmyndband.

www.youtube.com/watch?v=qybUFnY7Y8w

Ég þarf minn 10 tíma svefn

Gummi Jóh — Tue, 20 Jul 2010 15:25:58 +0000

www.youtube.com/watch?v=4hERVYLORuI

tóndæmi dagsins

Gummi Jóh — Mon, 12 Jul 2010 13:21:47 +0000

Frægðarsól Írsku sveitarinnar The Cranberries reis hæst árin 1992 til 1995 með smellum á borð við Zombie, Linger og Dreams. Sveitin er víst enn að þó í mýflugu mynd en það verður ekki fjallað um það hér. Hér er tóndæmi dagsins þó með Crannberries ívafi enda lagið úr þeirra smiðju.

Passion Pit er sveit sem er rómuð af mp3 bloggurum um heim allan, gáfu út hina ágætu Manners plötu í fyrra. Þeir flytja tóndæmi dagsins og það ekkert smá hlustendavænt lag.

Taka hér Cranberrie lagið Dreams og gera að sínu ala Sigga Beinteins.

Passion Pit – Dreams

Prince

Gummi Jóh — Mon, 12 Jul 2010 11:34:50 +0000

Reglulega fer ég í gegn um þau YouTube myndbönd sem að ég hef sett í favorites. Þar má finna þvílíka gullmola, allir tengdir tónlist.

Því er ekki úr vegi að skella einum inn hér. Hann hefur komið inn hér áður en það er allt í lagi að setja hann inn aftur, snilldin er slík.

Kvöldið er 16.mars 2004. Það er verið að taka menn inn í frægðarhöll Rokk og Rólsins og þar fór fremstur Prince ásamt George Harrison, ZZ Top ásamt fleirum.

Jeff Lynne, Tom Petty, Steve Winwood, Dhani Harrison ásamt Prince telja því í og taka While My Guitar Gently Weeps. Gítarsólóið hjá Prince er guðdómlegt, gjörsamlega!

www.youtube.com/watch?v=DWvzTYlHpqU

Mumford & Sons

Gummi Jóh — Thu, 08 Jul 2010 15:07:32 +0000

Fallegt, þarf ekki að segja meira.