Jæja þá í þetta sinn. Búin að vera latur bloggari og lofa alltaf betrum og bótum en samt gerist alltaf eitthvað takmarkað. Skiptir engu, ég er hérna ennþá.
The Killers eru skrýtið band. Þeir þjást af mikilmennsku brjálæði, eiga eingöngu tvær plötur og samt hafa þeir efni á því. Einkennilegt.
Nýja platan þeirra Sam´s Town féll ekki beint í kramið hjá mér fyrst en svo vann hún sig upp metorðastigann eftir að hafa fengið að renna nokkrum sinnum í gegn og nú finnst mér þetta bara frábær plata. The Killers eru góð hljómsveit.
Það er eflaust ekkert flott að fíla Killers í indie heiminum svipað og með Coldplay en það er asnalegt að hugsa þannig því þetta er afbraðgs tónlist og það er það sem telur, hversu góð tónlistin er.
Tóndæmi dagsins er Bones, lag sem er með frábærum brass kafla og verður pottþétt hittari. Eitt af því góða við nýju plötuna er að það eru ekki jafn augljósir hittarar eins og á Hot Fuss. Bones verður samt hittari.
