Fortíðarþráin blossar upp við að hlusta á tóndæmi dagsins. Þegar ég var ekki komin í unglingadeild fóru sumrin auðvitað bara í hangs. Körfubolti útí skóla, fótbolti úti á bakkavelli og allskonar rugl var það eina sem maður gerði ásamt því að spila tölvuleiki auðvitað. Nintendo hjá Helga Davíð og PC heima hjá mér, mjög einföld skipting.
Tölvan var í herbergi niðri í kjallara og þar dundaði maður sér í leikjum eins og Civilisation, Theme Park, Dungeon Keeper og Railroad Tycoon ásamt því að hlusta á Radíus bræður á Aðalstöðinni og svo eitthvað af vinyl plötum
Oftast hlustaði ég á Elvis á og svo á Chicago. þá eðalsveit.
Flestir þekkja 25 or 6 to 4 með sveitinni ef þeir þekkja þá eitthvað en færri þekkja uppáhalds lagið mitt sem heitir Fancy colors.
Maður fer bara sjálfkrafa í gott skap við að hlusta á tóndæmin, þau eru snilld.
