Það skiptir ótrúlega miklu að eiga gott bakland. Sterk vina og fjölskyldubönd geta breytt öllu á örskammri stundu. Ef maður er með einhvern blús er oft nóg að hitta vini og fjölskyldu og allt verður í lagi.
Maður þarf að rækta þessi vinabönd og fjölskyldutengsl því þau eru ekki sjálfsagður hlutur. Ég lít á það sem mikla blessun að eiga æðislega vini og frábæra fjölskyldu, það er eitthvað sem ber að þakka fyrir. Maður þarf líka að hafa vit á því að hleypa fólkinu sem þykir vænt um mann að manni þegar eitthvað bjátar á í stað þess að ætla að tækla erfiðleikana og sorgina einn.
Það getur engin sigrað sorgina á eigin vegum, hún étur mann innan frá.
Þess vegna skiptir miklu Guðfinnur ,að þú leyfir okkur vinum þínum og fjölskyldu að hjálpa þér í gegnum svörtu skýin sem vaka yfir þér. Það er engin heimsendir þó að Emilía sé hætt í Nylon.
Vertu sterkur vinur minn, vertu sterkur. Ekki gráta, ekki loka þig af, ekki segja stopp við fólkið sem þykir vænt um þig.
Ein færsla í viðbót um Guðfinn og þá fellur þetta innan skilgreiningar á hugtakinu „einelti á alnetinu“.
Guðmundur nú hættir þú. Það er ekki Johlegt að leggja fólk í einelti.
Eins og lögfræðingur minn segir í athugasemdinni fyrir ofan að þá er þetta innan marka. Ein færsla í viðbót og ég hef farið yfir strikið.
Það strik verður ekki stigið yfir.
Djö… man ég eftir þessari mynd.
Hún var til á hverju heimili held ég bara… svei mér þá….
Guðrún, því miður er þetta ekkert einsdæmi með hann Guðmund. Ég minni þig á að um árið sá ég sjálfan mig tilneyddan að senda þér bréf og útlista þar hegðunarvandamálum Guðmundar.
Ég held samt að þetta sé ekkert sem góð flenging lagar ekki. Og býð ég sjálfan mig fram í það verk ef þú gefur mér grænt ljós.
Guðfinnur,
Ég vil benda þér á komment á þessari síðu frá 12.febrúar 2007 þar sem segir réttilega „…Nú er drengurinn fluttur að heiman og ég firri mig allri ábyrgð.“
Slóðin er hér: https://gummijoh.net/2007/02/12/nokkrar-tilkynningar/#comment-5847
Þú þarft að reka þetta mál á L82 ekki á Jóhsetrinu, þar hef ég enga réttarstöðu.
Jæja, þá lem ég þig bara milliliðalaust.
Ég skil ekki hvernig einlæg ráð til góðs vinar flokkast undir einelti.
Takk Pedro, takk!
Fólk heldur alltaf að allt sé bara grín og glens þegar ég er hérna að opna mig og rétta hjálparhönd.