Fasti punkturinn á L82 hafa alltaf verið menningarkvöldin, þessi fasti punktur okkar strákanna hefur svona verið okkar kvöld þar sem við höfum borðað saman eitthvað gott, sett kruðerí á borðið og horft á góða kvikmynd sem bætir einhverju í menningarflóru okkar og styrkir.
Í kvöld dó menningarkvöldið. Þetta eru lokuð kvöld þar sem við hreinsum dagskránna okkar, segjum nei við annað fólk um að gera eitthvað því þessi kvöld eru ráðandi faktor öllu yfirsterkari. Þau hafa aldrei fallið niður enda íbúar L82 verið fastir á sínu um að þessi kvöld séu eitthvað sem ekki eigi að spila með.
Í kvöld lít ég á að um síðasta menningarkvöldið hafi verið haldið. Jóhann Jökull sá sig knúinn til að drepa menningarkvöldið, kyrkja það, kæfa og stinga á kvið og hrækja svo í sárin. Rosalega flott svona á aðventunni að gera svona.
Hvað gerði drengurinn af sér?????????????
Bíddu, vildi hann horfa aftur á „Legends of the Fall“?
Gat ekki Felix Bergsson eða Reynir Pétur hlaupið í skarðið.
Og hvað með það að hafa það þannig um að þessi óskapnaður sem kallaður er menningarkvöld þurfi að vera fullmannaður svo hann viðgangist T.d. er fundarhæft hjá stjórn húsfélags ef meiri hluti stjórnarmanna mætir á fund.
Það er fyndið að hugsa allt út frá húsfélögum. 🙂
Það er ekki menningarkvöld ef að allir taka ekki þátt. Ef það þyrfti bara tvo til væru öll kvöld menningarkvöld.
Það er bara ekki svo.
vælið í þér gummi. það þýðir ekki að vera svona fastur í prinsippum.
Prinsippið er 100% á hreinu. Við Hlyni höfum sagt nei við að hitta fólk, gera hluti með og fyrir fólk í nafni menningarkvölda.
Er það sem við höfum sagt nei við eitthvað ómerkilegra en það sem Jói er að gera? Held ekki og svona gera menn ekki, sérstaklega ekki á sínu eigin menningarkvöldi.
Stoðir L82 eru að hrynja í þessum töluðu orðum og málið er á viðkvæmu stigi.
Ertu fúll vegna þess að Jói er alltaf að vinna þig í Fifa?
Nei ég er fúll því að gaurinn sem situr við hlið þér í vinnunni kemur illa fram við vini sína.
Er þetta rétta færslan til að benda á ofbeldis og fíkniefna tengd vandamál í Breiðholti ?
Hvernig er það – er hægt að baktala fólk um fólk á netinu?
pæling